Britania e Madhe është duke zbatuar marrëveshjen shumëvjeçare të Ekipit Këshillues dhe Stërvitor Ushtarak Britanik (BMATT) me bazë në Republikën Çeke për të stërvitur ushtarët e Forcës së Sigurisë së Kosovës.

Kështu bëri të ditur Ambasada Britanike në Kosovë, e cila tha se stërvitja aktuale është duke u zhvilluar në kodrat e Jezercës në Ferizaj, raporton Arbresh.info.

“Koloneli Paul Morris, komandanti i Ekipit Këshillues dhe Stërvitor Ushtarak Britanik (BMATT) me bazë në Republikën Çeke, ka vizituar sot stërvitjen që po i ofrojnë FSK-së në kodrat e Jezercës mbi Ferizaj. Studentët në javën 3 të Kursit të Komandës dhe Udhëheqjes për Juniorë të BMATT po zhvillonin një Garë Patrullimi mbi terrene sfiduese”, thuhet në njoftimin e ambasadës.

Tutje në njoftimin e tyre thuhet se trajnimi është pjesë e marrëdhënies shumëvjeçare të BMATT-it me Forcën e Sigurisë së Kosovës./Arbresh.info